ბროწეულის მარცვლები
By 64 Project
ასეთია ემიგრაციაში წასული ქალი — სახლიდან შორს, მძიმე შრომით, „ბროწეულის მარცვლებით“ მიჯაჭვული.
ამ პოდკასტში ჟურნალისტი თამუნა ჩქარეული გიყვებათ ქალებზე, რომლებიც უცხო მიწიდან ზრუნავენ თავიანთ ოჯახებზე: როგორი იყო მათი გზა, რას ფიქრობენ, რაზე ოცნებობენ და რაც მთავარია, რისთვის აკეთებენ ამ ყველაფერს.
ემიგრანტები არჩევნებზე
შეზღუდვა კი არა, ხმის მიცემის აკრძალვაა - ასე ეხმაურებიან ემიგრანტები “ქართული ოცნების” დაგეგმილ ცვლილებას საარჩევნო კოდექსში, რომელიც არარეზიდენტ მოქალაქეებს მხოლოდ ქვეყნის ფარგლებში მისცემს არჩევნებში მონაწილეობის უფლებას.
“ბროწეულის მარცვლების” სპეციალურ გამოშვებაში ემიგრანტი ქალები საუბრობენ იმაზე, რატომაა შეუძლებელი, ოთხ წელიწადში ერთხელ ჩამოვიდნენ, როცა ვალების გასასტუმრებლად წლობით მუშაობენ, და რას შეცვლის მათთვის ხელისუფლების ეს გადაწყვეტილება.
მოუსმინეთ “ბროწეულის მარცვლების” წინა ეპიზოდებს
როგორ შეიქმნა “ბროწეულის მარცვლები”
“ბროწეულის მარცვლები” ქალი ემიგრანტების გამოცდილებებს ექვს ეპიზოდში ყვება, მაგრამ ამ სერიების მომზადებას თვეები დასჭირდა.
ამ დამატებით ეპიზოდში ავტორი თამუნა ჩქარეული და ჟურნალისტი მარიამ მერლანი საუბრობენ პოდკასტის შექმნის ისტორიაზე და იმაზე, რა დარჩა მიკროფონს მიღმა.
მარცვალი მეექვსე I “...ქალების იმედი უფრო მაქვს”
“ამ პროცესში ქალების იმედი უფრო მაქვს” - იწერება საპატიმროდან აქციებში მონაწილეობისთვის დაკავებული ირაკლი ქერაშვილი, რომელსაც სახელმწიფო ჯგუფურ ძალადობაში სდებს ბრალს.
ირაკლი ქერაშვილი მადლობას უხდის ქალებს, და განსაკუთრებით, ემიგრაციაში წასულ დედებს. “ბროწეულის მარცვლების” ბოლო ეპიზოდში სწორედ დედამისს, ქეთევან ქერაშვილს ვესაუბრებით.
მარცვალი მეხუთე | მექსიკით, ამერიკაში
მადრიდიდან, ნინო მექსიკის სასაზღვრო ქალაქში მიფრინავს, იქიდან კი ღამე, სხვა მიგრანტებთან ერთად “კედელზე” გადადის ამერიკის შეერთებულ შტატებში. ნინოს ამ რთულ და საშიშ გზაზე აეროპორტიდანვე გავყვებით.
მარცვალი მეოთხე - დედები და შვილები
ემიგრანტი მშობლები და სახლში დარჩენილი შვილები გულახდილად იშვიათად საუბრობენ, მაგრამ ამ ეპიზოდში ლილი ფულარიანი, და დედამისი რაისა ჯაფარიძე იხსენებენ, როგორი იყო რაისას 18 წლიანი ემიგრაცია მათი ოჯახისთვის და როგორ აგრძელებენ ერთმანეთის აღმოჩენას, ხანგრძლივი განშორების მერე.
მარცვალი მესამე | საკუთარი ოთახი
ორი ახალგაზრდა ქალი - ორი ამბავი თავისუფლების ძიებაზე, ათწლიანი განსხვავებით.
ამ ეპიზოდის გმირებს, რუსას და კოკოს, როგორც ყველა ახალგაზრდას, დამოუკიდებლობა და საკუთარი თავის შეცნობა უნდოდათ. ბევრი ქართველი გოგოს მსგავსად მათთვის Au Pair - ოპერ-პროგრამა გერმანიაში წასვლის ერთადერთი საშუალება იყო, მაგრამ მათი ბედი ძალიან სხვადასხვანაირად განვითარდა.
მარცვალი მეორე | ‘საბლანუთ’
ისრაელში, ღამე, ქეთის აფეთქების ხმა ესმის და თავშესაფარში გარბის. ყოველჯერზე, როცა ასე ხდება, რთული გადაწყვეტილების მიღება უწევს: დატოვოს მოხუცი, რომლის მოვლაც აქვს ჩაბარებული.
“ბროწეულის მარცვლების” მეორე ეპიზოდში ქეთევან უშარაული ყვება ომში ცხოვრებაზე, იდუმალ მინიშნებებზე, რომელსაც უდაბნოში პოულობს, და იმაზე, რატომ აქვს გაკრული კედელზე ებრაული სიტყვა “საბლანუთ”.
მარცვალი პირველი | ბელა
შვილებთან ხანგრძლივი განშორების შემდეგ იტალიაში წასული ბელა სახლში ბრუნდება - მაგრამ არ იცის, უკვე გაზრდილი შვილები როგორ შეხვდებიან.
ემიგტანტების საქართველოში გამოგზავნილი ფულის ოდენობით იტალია პირველ სამეულშია, მაგრამ არ ვიცით, როგორია იქ მცხოვრები ემიგრანტების დღეები, და როგორ ხედავენ საქართველოს დაბრუნების შემდეგ - ამაზე ბელა მოდებაძე საუბრობს.