Ungt fólk og hvað?

Steinar, Vilhjálmur og Embla kynntust öll í gegnum björgunarsveit. Þau ræða það hvernig er að vera í björgunarsveit og hvað þarf til að vera í slíkri. 

Arna Rún og Birta Guðný komu til okkar í gott spjall og sögðu okkur frá því hvað þær eru að gera í dag. Arna og Birta voru í Ungt fólk og hvað en þurftu því miður að hætta um áramótin en það var ótrúlega gaman að fá þær aftur til okkar í gott spjall. 

Í þættinum spjölluðu Jón Karl og Hlynur um lífið og tilveruna á Selfossi. 

Í þessum þætti töluðum við um hvernig páskarnir eru hjá okkur. 

Í þessum þætti fengum við til okkar han Gísla sem er einn af lóðsurum talbólunnar, hann segir okkur betur frá því sem hann gerir og hvað talbólan er 

Í þessum þætti fengum við til okkar hann Victor Berg sem er framkvæmdarstjóri Samfés betur þekktur sem kamelljónið, hann sagði okkur hvað Samfés er og hvað hann gerir

Í þessum þætti settumst við niður í nýja stúdíóinu okkar og tókum gott spjall. 

Í þættinum komu til okkar Jón Hjörvar og Guðjón Snær, þeir ræddu hvernig væri hægt að hafa áhrif og vera sýnilegri í nærumhverfi. 

Í þessum þætti fengum við hana Siggu Dögg til okkar. Hún sagði okkur frá bókunum hennar fimm. Sigga Dögg er mentaður kynfræðingur og sagði okkur hvað felst í því að vera kynfræðingur.

Í þessum þætti fengum við til okkar Begga Ólafs, fyrirlesara, með MSc í Hagnýtri jákvæðri sálfræði og þjálfunarsálfræði. Hann sagði okkur frá bókinni sinni tíu skref, hvernig maður getur náð markmiðum sínum og fleira.

Í þessum þætti fengum við til okkar hana Ingu Maríu kynningarstjóra Píeta samtakanna. Inga fræddi okkur um hvað Píeta samtökin eru og hvað þau gera. 

Við vorum svo heppin að fá til okkar hana Lilju Dögg Alfreðsdóttur mennta- og menningarmálaráðherra. Hún spjallaði við okkur um bæði lífið og tilveruna og menntamálin í dag. Lilja sagði okkur frá ævintýrum sínum áður en hún varð mennta- og menningarmálaráðherra.

Ungt fólk og hvort myndiru frekar, í tíunda þættinum tókum við bara létt spjall og fundum nokkrar hvort myndiru frekar spurningar.

Ungt fólk og jólin, í níunda þættinum erum við að spjalla um jólin okkar og komum inn á áramótin líka. 

Ungt fólk og Karlmennskan. Í þessum þætti fengum við til okkar Þorstein sem heldur uppi Instagram og Facebook reikningnum Karlmennskan. Þorsteinn svarar okkar helstu spurningum um Instagramið og hans vinnu tengda því.

Ungt fólk og ADHD partur 2. Við fengum til okkar Sigrúnu sem er ADHD markþjálfi frá ADHD samtökunum til þess að segja okkur meira frá því hvernig ADHD virkar og svara þessum fræðilegu spurningum. Hver er munurinn á ADHD og ADD? Breytist ADHD með aldrinum?

Þessum og fleiri spurningum svarar Sigrún í þættinum.

Í Ungt fólk og ADHD parti 1 spurja þær Védís og Embla, Örnu og Birtu spurninga um þeirra greiningu á ADHD og hvernig það hefur áhrif á þeirra daglega líf. Í næsta þætti fáum við til okkar fagaðila í ADHD til þess að svara okkar helstu spurningar um ADHD.

Ungt fólk og Fávitar. Í þessum þætti fengum við til okkar Sólborgu sem heldur uppi Instagram reikningnum Fávitar og var einnig að gefa út bókina Fávitar út frá Instagraminu. Sólborg svarar okkar helstu spurningum um Instagramið og bókina.

Í fjórða þætti af ungt fólk og hvað fengum við hana Hönnu Björg til okkar og hún fræddi okkur um femínisma. Hanna Björg er mamma, amma, kennari í Borgó og er virkur femínismi. Hún svaraði okkar helstu spurningum sem við höfðum um feminisma. 

ATH þessi þáttur er einnig tekinn upp á Zoom. 

*TW* Í þriðja þætti af ungt fólk og hvað höldum við áfram með umræðuna úr síðasta þætti, Ungt fólk og fíkn.
Við fáum til okkar góða gesti þær Katrínu Ellu sálfræðingur hjá SÁÁ á ungmennadeild Vogs og hana Helgu Sif geðhjúkrunarfræðing á geðþjónustu Landspítalans. Þær svöruðu okkar helstu spurningum um ungt fólk og fíkn og fræddu okkur mikið.

ATH þessi þáttur er einnig tekinn upp á Zoom.

*TW* Í þessum þætti fáum við fyrsta viðmælendan okkar hana Ingunni Önnu, þátturinn er ekki við hæfi allra og viljum við vara við að við erum að ræða fíkn og afleiðingar þess. Snið þáttarins er aðeins öðruvísi en áður í ljósi aðstæðna, þátturinn er því tekinn upp á zoom. Við afsökum gæðin í hljóðinu en það verður búið að laga það fyrir næsta þátt! 

Í þessum þætti ræðum við um samfélagsmiðilinn TikTok, hvað við höfum lært þar og okkar uppáhalds TikTok.